كلمات رذاذ الغيم
كلمات رذاذ الغيم
يالقصيد اللي تبي توصف قصيد آآه يا حي المعاني والورق مدري فيها ياقصيدي وش تزيد؟! غير سبحان اللي خالقها وفرق بنت أجمل من سناء الصبح الجديد ومن رذاذ الغيم إهي أنعم وأرق الخيال عيونها وضحكتها عيد واللي قال إتسكت القمرة..صدق من لفت وقلوبنا تقرى وتعيد حولها الأذكار وآيات الفلق اللي ملقاها إلى جت من بعيد كن حظ الدنيا في وجهك شرق قالوا فيها روعة الزين الفريد وأنا أقول الزين لو ينطق..نطق كأنها خلقت على ما هي تريد ألف سبحان اللي أبدعها وخلق قدرها ومن يومها عالي الرصيد من توعى قلبها الدنيا وخفق جت وكأنها فرحة العمر السعيد تكبر ويكبر غلاها .. والله حق لي مثلها وبغلاها شي أكيد ما هو بس ينحب إلا ينعشق يعني هذي البنت بالوصف المفيد الله خالقها واللي فرق مدري فطرة ولا مع دم الوريد ذوقها اللي فاح من لينه عبق إن حكت ودك سوالفها تزيد بنت أعذب وأهدى من لون الشفق في ثناها ما يزود إلا القصيد يعني يا حظ المدايح والورق كل هذا الوصف وما جبت الجديد وتبقى موزه أحلى من كل ماسبق.
