انتي غير حسين الجسمي
انتي غير كلمات
كل مقام له مقال وفيكِ يا بنت الأصول
لازم إتصير القصايد غير .. لنّـك إنتي غير
يلّي حسنِك لو تراه الشمس يغشاها الذهول
والقمر لو ماهو شاعر لجل عيناك بـيصير
إنتي غير ومن غلاك إن جيتي يالعَفّ الخجول
كيف ما نفرش لخَطوَة رِجلك الدنيا حريـر
وإنتي إسم لا إكتبوه امن الفخامة والقبول
الورق يصبح مدينة والقلم يمشي أمير
يا هلا بك وإن لفيتي ناعمة قـد وطـول
وبعيون ناعسات ووَجه أصفى مـن الغدير
بك تفاصيل الملامح كنـها يا مريم
تقول يسعد الله هالجمال الراقي التـرف المثير
وش على زينك يا مريم لو به إحتارت عقول
وش على طيب إمعناك إن صار كل قلب أسير
وانتي كلك يـإختصار الزين لي شرحه يطول
حاجة بين الممكن اللي مستحيل إنه يصير
إقبلي يا بنت أبوها وخلفك أمجاد وخيول
يـأجمل أشعار أبو راشد..ياسنا البدر المنير
ألف سبحان اللي صور ويا صلاته ع الرسول
يا شبية هند وضي عـيونها وحبـها الكبير
يسعدك ربي بـخالد نسل وافين الأصول
اللي يستاهل غلاك العذب وبـحبك جدير
الشهم سـمح المحيا يللي نـظـراتـه تقول
إنك بـقلبـه يا مريم حب و لـعينه نـظيـر
يا عسى الأفراح تملا عمركم عرض وطول
في حياة بالسعادة مقبله بـحب و خيـر
عَدّ نجمات السماء وما جادت الغيمة هطول
وعَدّما صلوا الخلايق ع النبي الهادي البشير